DAVAO CITY – Gipahugtan pa karon sa Sangguniang Panlungsod ang mga lakang aron nga mapabilin ang kalimpiyo sa palibut ug malikayan ang pakunayap sa Corona virus disease.
Kahinumduman nga gawas sa pagpanglimpiyo sa mga pultahan sa sesyon hall, kinahanglan una mogamit ug sanitizer ang mga mosulod ug mogawas sa lawak.
Sumala pa kang Konsehal Mary Joselle Villafuerte, nga mohimo na sila ug mga lakang aron nga masiguro nga malikayan ang pagkatag sa virus ilabi na nga si binsa kinsa ang mosulod ug gawas sa gambalay.
Nanghinaut na lamang ang mga nagdumala sa SP building nga motamud ang publiko sa mga polisiya gumikan kay alang lamang kini sa tanan.
Gisugyot na sab karon ni Villafuerte ngadto sa iyang mga kaubanan nga mopalit ug thermal gun aron nga daling masayran kung adunay kalintura ang mga mosulod sa gambalay.
