DAVAO CITY – Gidayeg ni Senator Risa Hontiveros nga miduso sa Expanded Solo Parents Welfare Act ang pagkapasa niini isip usa ka hingpit nga balaud isip kalampusan sa minilyon nga mga solo parents sa Pilipinas.
Kalakip sa bag-ong balaud ang probisyon nga naghatag og dugang mga benepisyo alang sa mga solo parents kung diin mahatagan og P1,000 matag bulan nga cash subsidy ang mga minimum wage earning solo parents, 10% discount sa pipila ka mga tambal alang sa low-income solo parents nga adunay anak nga nag-edad og 6 anyos paubos, prayoridad sa low-cost housing, Philhealth coverage ug educational scholarships.
Gumikan sa K-12 program, sakop sa maong balaud ang panginahanglanon sa mga solo parents hangtud moabot na sa edad nga 22 anyos ang ilang anak.
Nahimong balaud ang Expanded Solo Parents Welfare Act niadtong June 4, 2022 nga walay pirma ni Pangulong Rodrigo Duterte.
Ilalom sa Philippine Constitution, ang usaka sugyot nga giaprubahan sa House of Representatives ug sa Senate ang mamahimong balaud lamang kung dili kini pirmahan sa pangulo sulod sa 30 ka adlaw human madawat.
