DAVAO CITY – Kabsan sa kinabuhi ang SK Federation President sa Maco, Davao de Oro nga si Jorlan “Bon” Sacay human siya gipusil patay bandang alas-7:30 sa gabii sa ilahang panimalay sa Barangay Binuangan, Maco, Davao de Oro.
Gipusil kini og tulo ka higayon sa ulo hinungdan sa iyang hinaling kamatayon. Gikumpirma sab sa Maco Municipal Police ang maong insidente.
Nagsilbi si Sacay isip SK Chairman sa ilang barangay ug ingon man SK Federation President sa lungsod sa Maco.
Nahimong ilado si Sacay tungod sa iyang aktibo ug walay puas nga pagpangalagad sa mga kabataan sa Maco.
Wala damha sa iyang mga amigo ug kabanay ang gidangatan kinabuhi ni Sacay busa ilang gikasubo ang maong panghitabo.
Ning kasamtangan, gipahigayon ang halawom nga imbestigasyon mahitungod sa insidente.
via || Bombo LJF
