Nagpadayon pa karon ang gihimong pagpangita sa mga rescuers sa Municipal Disaster Risk Reduction and Management Council sa Manay Davao Oriental sa usa ka SK Chairman human nga nalumos samtang naligo kagahapong adlawa.
Subay sa report sa MDRRMO-Operation Center nga ang biktima giila nga si Rey Bentayao Comania, 23-anyos SK Chairman sa Brgy. Capasnan sa nasampit nga munisipalidad.
Subay sa inisyal nga impormasyon, naligo ang biktima sa us aka beach resort nga nahimutang sa Purok 22, Habungan Baranggay Central uban ang mga kabanay ug silingan pasado alas Dusi ang takna sa udto apan kalit sumala pa nga gihapak sa kusog nga balod ang mga nahsigutan og nadala sa ilawom nga bahin sa dagat ang mga nahisgutan.
Gisulayan pa og tabang ang biktima sa iyahang mga kaubanan human nga nakalingkawas sa pag-igo sa balod apan ang biktima nadala kini sa lawom nga bahin. Gilayon nga nakapangayo og tabang ang mga kaubanan niini aron sa pagapangita sa biktima. Sa pagkakaron nagpadayon ang Philippine Coast Guard ug ang kapulisan sa gilusad nga search ang retrieval operation ngdato sa biktima.
