DAVAO CITY – Nakatoka karon ang SITG Bonbon sa imbestigasyon sa kamatayon ni SK Municipal Federation President Jorlan “Bon” Sacay kansang napatay niadtong Martes sa gabii sa ilang panimalay sa Purok La Suerte, Barangay Binuangan, Maco, Davao de Oro.
Sumala sa hepe sa Maco Police nga si PLt.Col. Emerson Pugong, nagpadayon karon ang mga otoridad sa pagtrack-down sa mga suspek nga daw sakay sa motorsiklo dihang ilang gipusil si Sacay.
Una nang gikabutyag sa Maco Police nga politika ang gilantaw nila nga motibo sa pagpatay sa nahisgutang opisyal, lakip na ang ubang anggulo gawas sa iyang trabaho isip public servant sa Maco.
Gawas sa gimuntar nga task group, gipakanaog sab ang P2.5 million nga reward money gikan sa gikan sa mga higala sa biktima ug sa Provincial Government sa Davao de Oro ug Maco LGU alang sa mga makatudlo sa mga namusil-patay sa biktima.
via || Bombo LJF
