DAVAO CITY – Human ang 60 ka adlaw nga medical leave, mismong si Davao City Mayor Inday Sara Duterte-Carpio ang usa sa mga mitagbo kang Singaporean President Halimah Yacob dinhi sa dakbayan sa Davao pasado alas sais sa gabii alang sa usa ka welcome dinner.
Suot sa Mayor ang usa ka puti nga Filipiniana dress samtang nakasuot sab ug barong ang igsuon niini nga si Vice Mayor Baste Duterte.
Ayha pa man miabot sa usa ka Hotel ning siyudad, gi-welcome sab ang Singaporean President ug ang bana niini nga si Mohamed Abdullah Alhabshee sa usa ka lumadnong sayaw sa Francisco Bangoy International Airport kagahapon sa hapon.
Gikanayong bisitahon karong adlawa ni Pres. Yacob ang Philippine Eagle Foundation (PEF) sa Malagos ug gikatakda sab kini nga makigdayalogo sa mga Youth leaders sa Mindanao ayha mobalik sa ilang nasod unyang hapon.
