DAVAO CITY – Gikatakdang makigkita si Singapore President Halimah Yacob sa mga kabataan alang sa ipahigayon nga dialogue session nga gi-organisa sa Al Qalam Institute for Islamic Identities and Dialogue in Southeast Asia sa usa ka unibersidad dungan sa iyang pagbisita dinhi sa dakbayan ugmang adlawa.
Sumala pa kang Al Qalam executive director Mussolini Sinsuat Lidasan nga mukabat sa 100 ka mga kabataan nga gilangkuban sa mga Muslim, Christians, ug indigenous people.
Pipila sumala pa sa topiko nga hisgutan mao ang probisyon sa Document on Human Fraternity for World Peace and Living Together, Mindanao Youth Leaders in Inter-faith Dialogue, ingon man pagpalambo sa relasyon tali sa Singapore ug Pilipinas.
Kahinumduman nga kalakip sab sa bisitahon sa presidente ang Philippine Eagle Foundation (PEF) Center sa Malagos, diin ang Singapore maoy nahimong host sa pair of Philippines Eagles nga gidala sa ilang nasod kaniadtong June 2019 ilalom sa  10-year breeding loan agreement.
Si Yacob ang ikatulong head of state nga nakabisita sa dakbayan sa Davao.
