DAVAO CITY- Ginaplanuhan karon sa City Health Office uban ang mga ahensya sa lokal nga panggamhanan ang Simultaeneous Citywide clean-up drive nga gilaumang mahitabo sa umaabot nga bulang Agosto.
Ang maong lakang ang adunay kalabutan sa nasinatiang lakat sa panahon diin anaa na kita karon sa wetseason. Pagbutyag pa ni Davao City Health Office- Tropical Diseases Coordinator Melodina Babante nga dili gayud kakumpyansaan bisan pa man adunay nakitang gamay nga pagkunhod sa mga kaso sa dengue.
Pagpasabot ni Babante nga maong mikunhod ang kaso sa dengue sa mga milabayng bulan, tungod kay nakasinati kita og hot kon dry season diin sa maong panahon, gamay lamang nga mga lamok ang nabuhi.
Apan matud pa niini nga sukad katapusang bahin sa bulan sa Mayo, opisyal ng nagsugod ang La Niña diin ginalaumang mo-usbaw na usab ang mga kaso sa dengue ning panahona.
Useless man gud og kaisahan lang (ang clean-up drive) og after ana wala na, so kailangan ang sustainability ana, (maong) monthly na jud sya ipahigayon sa matag barangay
Davao CHO- Tropical Diseases Coordinator Melodina Babante said during ISpeak.
Pagbutyag ni Babante nga sa bulan sa Hunyo 2024, nakatala ang maong buhatan og 17 ka mga nakabsan sa kinabuhi diin kasagaran niini ang anaa sa 5-9 anyos ang pangidaron.
Sumala pa niini nga hilabihang paningkamot ang ginabuhat karon sa maong buhatan aron mapakgang ang maong mga kaso.
Gani pagbutyag niini nga mas hugot karong ang ilahang ginabuhat nga monitoring ug control sa mga dengue cases.
Dugang pa ni Babante nga importante gayud ang clean-up drive sa syudad.
