DAVAO CITY- Gibutyag ni Police Col. Alexander Tagum, director sa Davao City Police Office (DCPO) nga walay ipahimutang nga baggage counter sa mga simbahan alang sa seguridad sa mga mamimbahay karon panahon sa semana santa.
Una niini , subli nga nagpahimangno ang opisyal sa publiko nga kung moadto sa mga simbahan, mas maayong dili na magdala ug mga dagko nga bag aron nga dili mahasol inay coin purse na lamang.
Sumala pa kang Tagum nga tumong lamang sa maong lakang nga dili malutsan ang siyudad sa mga dautang elemento hinungdan nga ilang gipangayo ang pagsabot sa katawhan.
Sa pikas nga bahin, una ng gibutyag ni Angel Sumagaysay, head sa Paublic Safety and Security Command Center (PSSCC) nga mas tutukan nila karon ang seguridad sa mga simbahan sanglit kini ang target sa mga ISIS inspired group sama na lamang sa nahitabo sa Jolo Cathedral nga gibombahan ug mikalas ug daghanang kinabuhi.
