DAVAO CITY – Gitino ni Supt. Ernesto Castillo ang hepe sa Traffic Group (TG) nga aduna nay mipatigbabaw nga balaud sa Land Transportation Franchising and Regulatory Board (LTFRB) kalabot sa pagdili sa mga pampasaherong sakyanan nga magbutang ug sign board sa salamin sa ilang mga sakyanan.
Tipik lamang kini human nga gipahimangnoan na karon ang mga driver nga dili magbutang ug mga sign board sa ilang mga unit partikular na sa mga salamin gumikan kay babag sumala pa kini sa line of sight.
Dugang sa opisyal nga aduna nay nakasulat nga rota sa kilid sa mga dyip nga maoy basehan sa mga pasahero paingon sa ilang adtuan nga destinasyon.
Nanawagan na lamang ang opisyal ngadto sa publiko nga mas maayong motamud sa balaud trapiko aron nga walay mamahimong problema ug malikayan ang disgrasya sa kadalanan.
