DAVAO CITY – Gibutyag ni Atty. Armand Dioso, regional director sa Land Transportation Franchising and Regulatory Board (LTFRB) 11 nga na-isyuhan na nila ug Show cause order ang pamunoan sa Mindanao star Bus diin usa sa ilang unit ang nalambigit sa ngilngig nga aksidente niining milabay nga adlaw sa Central 1 Binugao Toril ning dakbayan sa Davao diin upat ang namatay samtang halos 20 ang natalang angol.
Gikanayong masayran sa gi-isyu nga show cause order kung kinahanglan ba nga ikansela o suspendihon ang operasyon sa Mindanao Star bus kini base na sa gihatag nga oras aron nga mohatag ug pahayag ang kompanya sa nahitabong aksidente.
Una na sab nga gibutyag sa kompanya nga tubagon nila ang tanan nga gasto gikan sa mga nadala sa ospital ingon man ang pagpalubong sa mga namatay.
Samtang gibutyag sab ni Atty. Dioso nga nag-problema ang kuha sa dash cam sa bus sanglit nahilabtan na kini dihang ila kining gikuha.
Nagbahad sab ang opisyal nga manubag o mapasakahan ug kaso ang kompanya sa higayon nga gituyo kini pagguba ilabi na nga mandato na karon ang pagbutang ug bus sa mga pampasahehong sakyanan.
