-- ADVERTISEMENT --
DAVAO CITY – Gikatakdang ipahigayong karong adlaw nga Sabado, March 7 ug 8 ang Shoot to end Local Communist Armed Conflict (STELCAC) sa Camp Catitipan ning siyudad diin gi-awhag sa Davao City Police Office (DCPO) ang mga stakeholder nga makighiusa sa maong aktibidad.
Sumala pa kang Police Col Kirby John Kraft, director sa DCPO, abli sumala pa kini sa kapulisan, sundalo ug mga sibilyan.
Samtang gipahimangnoan na sab ni Pol. Col. Kraft ang matag departamento sa kapulisan ning dakbayan nga magpadala ug tig-usa ka representante.
Gitataw sab sa opisyal nga usa kini ka fund raising activity diin ang parte niini igahin alang sa gun safety training sa mga kapulisan ning dakbayan.
