DAVAO CITY – Gipasalig sa Bureau of Fisheries and Aquatic Resources (BFAR)-Davao ngadto sa publiko nga ang shellfish sama sa tahong nga gikan sa mga kasikbit nga rehiyon ang wala sumala pay traces sa microplastics sa kasamtangan.
Tipik lamang kini sa pahayag ni Dr. Jose Isagani Janairo sa De La Salle University human nga nagpahigayon sila ug pagtuon kaabag ang Department of Science and Technology (DOST) kalabot sa microplastics nga naa karon sa daplin sa baybayon sa nasod.
Migula sa pagtuon nga duruha gikan sa tulo ka mga areas diin gikuha ang mga sample sa tahong ang 100-percent nga positibo sa microplastics. Ang third sample, nagpositibo sa gikatahapang microplastics.
Hinuon wala na gibutyag pa sa researcher kung asa nga areas gikuha ang mga samples.
Una na sab nga gibutyag ni BFAR-Davao director Fatma Idris nga walay indikasyon sa microplastics ang nakuhang sample sa Davao Gulf.
Gipasalig ni Idris sa publiko nga walay angayan nga kabalak-an gumikan kay ang mga shellfish nga gikan sa Jiabong, Samar ang adunay certification gikan sa Davao City Health Office (CHO).
