DAVAO CITY- Gipahigayon ang Send Off Ceremony kagahapong adlawa sa Davao City Police Office Parade Ground, alang sa pagpangandam sa umalabot nga 39th Kadayawan dinhi sa dakbayan sa Davao.
Ginalauman nga mutambong sa maong seremonya si Davao City Mayor Sebastian Duterte apan wala kini midayon ug si PCol. Angel Sumagaysay na lamang ang nahimong representante niini.
Gilangkuban sa gatusan ka mga authority personnls ang anaa sa maong seremonya partikular na ang PDEA, NBI, BFP, DCPO ug uban pang mga hingtungdang ahensya nga adunay dakong kalabutan sa umalabot nga ipahigayon nga aktibidad sa lungsod.
Tumong sa maong seremonya ang pagpangandam sa umalabot nga big event sa dakbayan nga nagtinguha sa pagpabilin sa zero incident.
Subli sab nagpahinumdom si Sumagaysay sa pag-ila sa dakbayan isip ikatulo sa rank nga pinaka safe nga syudad sa tibuok southeast asia ug number 1 safest city sa nasud Pilipinas rason nga malaumon kining mamintinar ang maong pag-ila pinaagi sa tabang ug kooperayson sa katawhan.
