DAVAO CITY – Gikumpirma sa Police Regional Office XI niadtong Martes, Abril 9, ang ilang pakigtambayayong sa Office of the Senate Sergeant-at-Arms aron madala si Kingdom of Jesus Christ leader Pastor Apollo Quiboloy.
Sumala ni PRO XI spokesperson Major Catherine Dela Rey, niabot sila Director III Manny Parlade ug Director II Gil Valdez gikan sa Senate Sergeant-at-Arms Office sa PRO XI headquarters aron makigtagbo sa lokal nga kapulisan.
Samtang miabi-abi sa maong opisyal sila PRO XI Director Brig. Gen. Alden Delvo, NBI Region 11 director Atty. Arcelito Albao, ug uban pang mga opisyal, lakip ang mga representante sa militar ug naghisgot sa sunod nga mga lakang.
Gipaneguro sa kampo ni Pastor Apollo Quiboloy nga dili kini mahimong resistant kung galing masayran na ang gikahimutangan niini, apan ginahulat pa gihapon nila ang pinal nga desisyon sa Pastor.
Pagbutyag ni City Director P/Col. Richard Bad-ang, human sa pagkumpirma nga kasamtangan ania na sa dakbayan ang Senate Sgt of Arms aron sa pagplanong pagduso sa arrest contempt batok sa founder sa KOJC.
Padayon usab ang pagtinabangay sa nagkadaiyang ahensya sa dakbayan, susama sa Task Force Davao, National Bureau of Investigation, CIDG ug uban pa aron sa pagsusi sa gikahimutngan ni Quiboloy hilabi pa nga daghanan kaayo kini og mga ari-arian.
Hinoon, gibutyag sa opisyal nga possibleng ania pa sa dakbayan o di kaha sa Mindanao ang Pastor gumikan wala pay record nga nakagawas kini sa nasud.
Laraw karon sa buhatan nga mahimong hapsay ang pagserve sa warrant of arrest batok kaniya apan gikanayon nga nakaandam usab ang ilang mga personahe kung galing adunay kagubot nga mahitabo tali sa mga otoridad ug myembro sa KOJC atol sa pagdakop niini.
