Gilimod ni Senate President Chiz Escudero ang hungihong nga adunay naglaraw sumala pa sa iyahang mga kaubanan sa senado nga palagputon kini sa posisyon.
Gikanayon sa senador nga dili na niini patulan pa ang nasampit hisgutanan.
Dugang pa sa nahisgutan nga adunay maayung relasyon ang mga senador hinungdan nga walay rason aron siya palagputon.
Miguwa ang isyu human nga giduso sumala pa nila Senator Cynthia Villar ug Senator Loren Legarda ang maong hisgutanan.
Apan gilimod kini ni Villar nga siya ang anaa sa likod sa plano ug gibutyag niini nga boto sumala pa kini sa pagdumala ni Escudero isip Senate President.
Lakip si Senator Ronald “Bato” Dela Rosa ang mibalibab sab sa maong hisgutanan diin gibutyag niini nga dili angay nga samukon ang panginabuhi sa mga senador.
Hugot sab nga gilimod ni Senate President Pro Tempore Jinggoy Estrada nga siya ang nagduso ug kudeta kang Escudero apan gikupirma niya nga adunay pipila nga nakadungog sa planong pagpalagpot kang Escudero.
