Mipadangat ug dakong pahasubo si senador Bong Go sa pamilya Panio. Kini human personal nga miduaw ang senador sa haya sa biktimang si Rachelle Panio – kinsa nakaplagan na lamang patay sulod sa iyang lawak niadtong milabay nga adlaw.
Sa iyang pakighinabi sa mga ginikanan sa biktima, gipanaad ni senador Go nga mohatag ug tabang pinansiyal sa pamilya.
Tungang gabii na sa dihang mi-abot ang senador sa pinoy-anan sa pamilyang Panio sa Purok 12, St. John Bucana barangay 76-A ning dakbayan sa dabaw.
Base sa gipagulang resulta sa autopsiya, walay nakitang timailhan nga gilugos ang biktima sa suspek, gawas lamang sa daghanang mga bun-og ug samad sa kalawasan nga naangkon niini ug ang agi sa wire sa plansa nga gihikot sa iyang liog nga posibling maoy hinungndan sa iyang kamatayon.
Sa pikas bahin, kauban usba ni senador Bong Go nga miduaw sa haya sa school president sa Saint John Paul II College of Davao si Presidente Rodrigo Duterte.
Nasayran nga suod nga higala ni pangulong Duterte si Ernesto Evangelista Sr, nga ang Kasamtangang gipahimutang ang patay nga lawas sa Memorial Cosmopolitan Memorial Chapel.
