Gipahinumduman ni Vicente Sotto III ang iyahang mga kaubanan sa Senado nga sundon lamang ang mga lagda sa parlamento inay nga magpakita og ka-isog.
Gipaguwa ang maong pahayag, taliwala kini sa bangga sa opinyon tali ni Sen. Panfilo Lacson ug Sen.Rodante Marcoleta nga may kalabotan sa imbestigasyon sa Senate Blue Ribbon Committee sa mga anomalya sa flood control projects.
Ang maong imbestigasyon may kalabotan usab sa alegasyon nga P805 bilyon nga komisyon gikan sa flood control projects ang gidala sa 18 ka mga giingong kanhing Marines ngadto sa pipila ka personalidad lakip si Pang. Ferdinand Marcos Jr. ug kanhing House Speaker nga si Martin Romualdez.
Gipasabot ni Sotto nga dili si Lacson lamang ang makadesisyon kung ipadayon ang imbestigasyon tungod kay 17 ka miyembro ang naglangkob sa komite.
Gibutyag usab niini nga dili tugotan sa parliamentary rules ang pagduda sa motibo sa usa ka senador, tungod kay dili kini ethical.
