Gibutyag ni Senador Ronald Bato Dela Rosa, nga planado na sumala pa ang pagpalagpot kang Vice President Sara Duterte, isip ikaduhang pangulo sa nasud.
Sumala pa ni Dela Rosa, nga dugay na matud pa kining nakaila ug kaalyado ang pamilyang Duterte, rason nga nakahukom kini nga planado na gayud sa mga tao nga nagaduso nga ipa-impeach sa posisyon si VP Sara.
Wala na sab naghatag og pagpaklaro ang maong Senador, kung si kinsa ang nagpaluyo sa pagpangusog nga ipa-impeach si VP Sara.
Apan, nabantayan niini nga human nga nag-text matud pa si Pangulong Marcos Jr., nga undangon na ang mga laraw labot sa pagpalagpot ngadto sa Bise Presidente, kalit lamang gilayon nga nagduso ang pipila ka mga pundok lakip na usab mga pipila ka miyembro sa Kamara og impeachment complaint batok kang VP Sara Duterte.
Samtang lakip sab gihisgutan ni Dela Rosa ang pagpangampanya niini nga dako matud pa kini og epekto sa iyahang pagpangampanya alang sa umalabot nga 2025 midterm election, ugaling mapasang-at na sa Senado ang maong impeachment complaint batok sa ikaduhang pangulo.
Sumala pa sa senador, ugaling muabot na kini sa Senado ang giduso nga impeachment complaint sa Kamara, kinahanglan na sumala pa niyang himuon ang iyahang trabaho isip magbabalaod.
Kahinumdumang, duha matud pa ka mga party list nga miyembro sa House of Representatives ang miduso og impeachment complaint batok kang Vice President Sara Duterte, usa na niini ang Akbayan Partylist pinaagi sa pagpanguna ni Rep. Perci Cendaña, nga nailhang gikan sa sakop sa mga Dilawan, ug ang Makabayan Bloc nga sila Rep. Arlene Brosas, Rep. France Castro, ug si Kabataan Partylist Rep. Raoul Manuel.
