Kampante si Senador Ronald Bato Dela Rosa nga dawaton gihapon kini sa katawhan nunot pa man sa kasamtangang ginaatubang niining mga isyu.
Gibutyag niini nga ang katawhan gihapon ang mamahimong muhukom og angayan pa ba gihapon kining mulingkod sa posisyon sa gobyerno o dili na.
Lakip sab sa gihisgutan ang kabahin sa bloody drug war sa nakalabayng administrasyong Duterte, hinungdan nga maoy usa sa ginatudlong rason og nganong mikunhod ang trust rating niini sa gipahigayong survey gumikan sa pagkalambigit sa Extra Judicial Killings.
Giangkon sab niini nga dako sumala pa nga epekto sa iyahang trust rating ang mga isyung gikaatubang sa maong senador.
Apan dugang pa ni Bato, nga wala sumala pa kini kompletong mituo sa maong survey, gumikan matud pa nga sa katapusan ang katawhang pilipino ra usab ang muhukom sa angayang palingkuron sa posisyon sa gobyerno.
