Giawhag ni Senador Ronald dela Rosa ang lider sa Kingdom of Jesus Christ (KOJC) ug puganteng si Pastor Apollo Quiboloy nga mo-surrender na sa mga awtoridad ug ibalik na sa normal ang kinabuhi sa mga miyembro niini.
Matod pa sa Senador, usa usab kuno siya sa nanawagan nga kung pwede aron mahilom ang nahisgutang lugar ug makabalik na sa normal nga panginabuhi-an ang katawhan.
Samtang kung kahinumduman, gipamugos sa abogado ni Quiboloy nga si Atty. Israelito Torreon ang kondisyon ni Quiboloy kang Pangulong Ferdinand Marcos Jr., magpagawas kini ug written declaration nga dili itugyan ang pastor sa Estados Unidos.
Kung kahinumduman nga nagtago-tago na si Quiboloy homan gikasuhan sa mga reklamong pagsupak sa Section 5(b) ug Section 10(a) sa Republic Act 7610 o Special Protection of Children Against Abuse, Exploitation, and Discrimination Act.
Siya usab ang nag-atubang sa non-bailable qualified human trafficking charge ubos sa Section 4(a) sa Republic Act No. 9208, nga giamyendahan sa korte sa Pasig.
Apan gikanayo nga walay wanted person ang maka-demand sa mga awtoridad, gawas lamang kung aduna kini gihuptan nga hostage.
Samtang gipahayag usab ni DOJ Undersecretary Raul Vasquez nga walay bisan usa sa gobyerno ang makahatag sa nahisgutang garantiya.
Samtang gipahayag usab ni Dela Rosa nga nawad-an na kini ug paglaum nga si Quiboloy ang anaa pa sa compound sa KOJC gumikan kay wala pa gihapon kini nakita sa mga pulis sulod na sa pipila ka adlaw.
Kung kahinumduman, nanawagan usab ang senador kang Pangulong Ferdinand Marcos jr. nga imando na ang withdrawal sa 2,000 ka mga pulis nga nahimutang sa KOJC compound gumikan kay apektado na ang religious freedom ug academic rights, sa mga miyembro niini gumikan sa operasyon sa kapulisan.
Nagpabilin gihapon ang mga sakop sa kapulisan sa KOJC compound aron i-serve ang arrest warrant batok sa nagtagong self-appointed son of God nga si Quiboloy.
