DAVAO CITY – Gibisita ni Senator Christopher Lawrence “Bong” Go ang Balay Pahulayan aron nga saulogon ang pasko uban ang mga watchers sa Southern Philippines Medical Center (SPMC).
Mismong si Go ang mitunol og cash assistance, food packs ug mattresses sa nahisgutan nga mga benepisiyaryo.
Gi-awhag niini ang mga watchers nga moadto sa Malasakit Center aron nga maka-avail sa libreng medikal nga panginahanglanon sa ilang pasyente.
Gipahinumdoman sa senador ang mga nahisgutan sa ilang mga katungod nga maka-avail sa serbisyo sa kagamhanan ilabi na nga ang nahisgutan nga proyekto ang gikan sa kuwarta sa katawhan.
Kahinumduman nga mismo si kanhi Davao City mayor ug karon Pangulong Rodrigo Duterte ang mihatag sa Balay Pahulayan, usa ka temporary shelter alang sa mga watchers o nagbantay sa mga pasyente.
Hangtud karon, gatusan ka mga watchers ang migamit sa nahisgutan nga pasilidad matag adlaw sanglit dili lamang kini mo-cater sa mga Dabawenyos apan lakip na sa uban nga mga munisipalidad sa Davao region.
