Gibutyag ang tensiyon sa DOH human mosulpot ang mga dokumento nga nagpakita nga ang labing dako nga pondo sa Medical Assistance to Indigent Patients (MAIP) alang sa 2026 budget napadulong marud pa kay Senador Bong Go.
Sumala sa nakuhang impormasyon, ang leaked nga dokumento gikan sa tanggapan ni DOH Undersecretary Elmer Punzalan diin naglakip sa mga annexes sa budget nga naglatid sa MAIP allocations sa mga senador isip bahin sa mga amendments sa pondo. Gitudlo sa listahan nga si Senador Go nakadawat og ₱300 milyon, samtang gisundan ni Senate President Tito Sotto nga nakadawat og ₱200 milyon.
Ang maong paghatag sa pondo supak sa bag-ong palisiya sa gobyerno nga nagdili sa pag-link sa MAIP sa politiko. Tumong sa polisiya nga malikayan ang “patronage politics” ug masiguro nga ang medikal nga tabang moabot diretso sa mga kabus ug nagkinahanglan.
Nailhan si Senador Go nga suod nga kaalyado ni kanhing Presidente Rodrigo Duterte, hinungdan nga mas nagdako ang kontrobersiya sa publiko. Giingon usab ni DOH Undersecretary Albert Domingo nga ang MAIP nga pondo dapat lamang i-release sa mga ospital nga ginadumala sa local government ug dili pinaagi sa mga opisyal sa politika.
Sa pagkakaron, wala pa’y opisyal nga pahayag ang Department of Health ug ang opisina ni Senador Bong Go bahin sa isyu.
