DAVAO CITY – Mihatag ug katin-awan si Sen. Bong Go nga wala sumala pay sala ang mga opisyal sa Barangay nganong pila ka higayon nga gilangan kaniadto ang gipahigayon ang eleksiyon sa Barangay nga maoy hinungdan nga ubos na lamang sab ang panahon sa ilang pagpangatungdanan.
Kini sumala pa ang hinungdan nga plano sa opisyal nga moduso ug resolusyon sa Senado nga ilangan una ang ipahigayon nga eleksiyon sa mosunod nga tuig.
Sumala ni Sen. Go nga buot niyang mahatagan pa ug igong panahon ang mga opisyal sa Barangay nga mahimo nila ang ilang mga plano ug proyekto sa ilang tagsa-tagsa ka mga komunidad.
Kulang sab sumala pa ang panahon kung himuon gilayon ang pinili-ay sa mosunod nga tuig ilabi na nga kaniadtong 2018 lamang gipahigayon ang barangay eleksiyon.
Gitataw sab sa opisyal nga tungod sab sa pipila ka higayon nga pag-postpone sa eleksiyon, nakurot sumala pa ang termino sa mga Barangay officials.
