Nagkatinubagay atol sa ilahang pag-atubang sa hearing sa Senado sila si Senate Committee on Accounts Chairman Senador Alan Peter Cayetano ug kanhing Chairperson sa maong komitiba nga si Senadora Nancy Binay.
Kini may kalambigitan sa pagtuki sa gipatukod nga bag-ong Senate Building sa Taguig City.
Nagsugod ang panagtubag sa duha ka mga Senador sa hisgutanang overall budget sa nasangpit nga proyekto.
Unang nangayo og panahon si Senador Binay sa komite nga tingogon ang mga Opisyal sa Public Works and Highways (DPWH) aron sa pagpasabot sa konsepto sa maong bag-ong gambalay, ug mapasabot kung nganong moabot og 23-B Pesos ang budget niini.
Gipamugos usab ni Senador Cayetano nga gilibog lamang ni Senadora Binay ang isyu sa nasangpit nga hearing.
Tubag ni Binay, gusto lamang niining mahuman ang maong proyekto, kansa dali ra usab nga gibabagan ni Cayetano.
Kahibaloan nga sa 23-B Pesos nga alokasyon sa maong bag-ong gambalay, gilakip na dinhi ni Senator Cayetano ang presyo sa yuta nga tukoran, diin mokabat sa 1.6-B Pesos.
Apan sigon ni Senador Binay nga dili matud pa moagi sa DPWH ang presyo sa maong yuta, og kinahanglang bulag kini sa 23-B Pesos.
Gumikan niini, wala nakaagwanta si Senador Binay nagwalk-out kini sa dihang gikumperma sa DPWH nga wala sa ilahang dokumento ang 23-B Pesos, gitawag usab kini ni Senador Cayetano nga daw nabuang na ang senadora nga gibati usab niini nga usa ka dakong pag-insulto sa bahin ni Sen. Binay.
