Gikwestyon ni Senador Ronald Bato Dela Rosa ang kabahin sa panghitabo nga kagubot sa KOJC atol sa iyahang privilege speech, kagahapong adlawa.
Gikanayon niini, nga wala niya gi kwestyon ang mismong warrant of arrest, apan iya lamang gihatagan ug dakong concern mao ang pamaagi sa pag implementa niini.
Lakip sa mga napangutana niini, ngano kinahanglan mag deploy ug kapin dos mil ka mga kapulisan ngadto sa usa ka compound aron lamang pangitaon si Pastor Quiboloy.
Lakip sab sa gikanayon niini, nga diin gikumpara ni Dela Rosa ang pagsilbi ug warrant of arrest kaniadto kang Marwan nga kung diin si Marwan anaa kini usab sa listahan sa America isip most wanted terrorist kaniadto.
Apan atol sa pag implementa sa warrant batok kang Marwan, 44 lamang ka mga SAF member sumala pa ang gipang deploy nga diin ginatuuhan usab niadtong higayuna nga ang ilang mga kalaban anaa sa liboan ka mga armadong terorista.
Dako ang gikahibulungan niini gumikan dili matud pa usa ka delikadong tao si Pastor Quiboloy apan gina-isip kini sa mga kapulisan nga mas dilikado pa ang maong pastor kaysa kang Marwan.
