Gikatakdang pangunahan sa National Wages and Productivity Commission kon NWPC ang pagbuhat og seminar kalabot sa isyu sa wage distortion sa mga trabahante.
Gikatakda kining mahitabo sa Hulyo-23 kon diin ginapasalmot ang mga business owener, mga Human Resource practitioner, business chamber ug mga empleyado sa organisasyon.
Tumong sa maong seminar nga tubagon ug isakto ang wage distortion nga posibleng tungod usab sa bag-ong Wage Order.
Mahitabo ang wage distortion og adunay government-mandated increase o wage order.
Tungod sa wage increase, nagkaduol na ang mga sweldo sa mga trabahante nga adunay nagkadaiyang papel sa kumpanya og bisan ang gidugay niini, butang nga kinahanglang tubagon sa mga employer.
Una ng gipanawagan ni Department of Labor and Employement Sec. Bienvenido Laguesma sa mga employers sa pribadong sektor nga tubagon ang maong problema, butang nga gitakda sa balaod.
