DAVAO CITY (update) – Selos ang gitudlong hinungdan sa paghikog sa usaka 32 anyos nga inahan ug gi-angin pa usab niini ang iyang 10 ka bulan pa lamang nga anak nga lalaki.
Gikanayon ni Police Lt Col Jay Demaala, OIC sa Tagum city Police station daan nang adunay away ang biktima nga nailang si Daisy Peñalosa, 32 anyos ug ang ka-live-in partner niini nga usaka sundalo.
Kagahapon sa buntag sa dihang nakaplagan si Peñalosa nga patay na ug nagbitay diin sa tapad niini naa usab nagbitay ang iyang anak nga lalaki sulod sa ilang balay sa North Eagle 1, Visayan Village, Tagum City.
Sumala ni Demaala nga una naghikog si Peñalosa, gi-una una niya ug hikog ang bata ug sa dihang patay na iya kining gipicutran ug gipadala ang picture sa iyang live-in partner nga sundalo.
Tungod niini dali sumala pang mipa-uli ang sundalo gikan sa iyang gi-destinuhan sa Mawab ug nakig-coordinated usab sumala pa kini sa barangay.
Apan ulahi na ang tanan gumikan kay sa iyang pag-abot susama na nga mga walay kinabuhi ang iyang asawa ug ang bata nga nagtapad ug adunay hikot sa liog nga pisi, diin ang pikas tumoy gihikot sa ilang kesame nga bahin.
Narecover sa kapulisan ang celfon sa biktima diin adunay mga text message alang sa iyang live-in partner nga nag-selos ug nasuko gumikan kay dili kini moreply.
Nasyarann nga kapin usaka tuig pa nga nag-uban ang biktima ug ang iyang live-in partner nga sundalo nga na-assign sumala pa sa Davao city taf\sk force ug kasmatangan nga nag-schooling sa 10th ID Philippine Army.
Gikompirma usab ni Demaala nga walay foul play ang nahitabong paghikog sa biktima ug sa iyang anak.
