Mihatag ug prangka nga mensahe si self-confessed Chinese spy, She Zhijiang kang ex-Bamban Tarlac Mayor Alice Guo o si Guo Hua Ping sa tinood nga kinabuhi.
Sa News Documentary nga gipagawas sa British News Network – Aljazeera, gipakita ni Zhijiang ang ‘dossier’ ni Guo sa China nga nagpamatuod nga siya usa ka ispiya sama kaniya.
Si Zhijiang, kinsa kasamtangang nabilanggo sa Thailand namahayag nga supportardo sa Chinese Government ang pagpangispiya ni Guo.
Makita sa dokumento nga ang tinood nga inahan ni Guo mao si Lin Wen Yi, nga mitugma sa mga impormasyon nga nahipos sa Senate Committee nila Senador Sherwin Gatchalian ug Risa Hontiveros.
Gipamatud-an usab kombiktadong ispiya nga dunay dakung litrato ni Guo sa Fujian County sa China, sa mismong compound kung asa nagsumikad ang iyang pamilya.
Mi-apelar si Zhijiang kang Guo nga undangan na ang pagpamakak aron dili mahisama kaniya.
Wala pay komento ang Beijing Government sa gipahungaw nga explosibo sa dinakpang ispiya.
