DAVAO CITY – Hitsas na ang subling pag-abli sa Roxas night market karong adlawa, Setyembre 12 o unom ka bulan human ang gipatuman nga lockdowns ug movement restrictions kini aron mapugngan ang pagkatag sa coronavirus disease (Covid-19).
Kahinumduman nga mag-abli ang night market sugod sa alas singko sa hapon hangtud na sa alas onse sa gabie. Pangunahan sa Davao City Police Office (DCPO), Public Safety and Security Command Center (PSSCC), and Task Force Davao, kalakip na ang City Health Office (CHO) sa pagpatuman ug seguridad ug health protocols nga gimando sa lokal nga kagamhanan nga kinahanglan nga tumanon sa publiko ingon man sa vendors.
Sumala pa kang DCPO Director Police Colonel Kirby John Kraft kinahanglan nga motamud ang publiko sa security measures sama sa no-backpack policy, pagdili sa pagdala ug mga non-transparent water containers, ingon man pagsuot ug jackets nga kabahin sa culture of security.
Kahinumduman nga mas gipahugtan pa karon sa Roxas Night Market ang ilang ipatuman nga seguridad diin ang mga mosulod sa lugar kinahanglan nga mopailalom sa facial recognition diin kinahanglan nga ipaubos ang face mask sulod sa 3 ngadto na 5 seconds.
Gipahimangnoan sab ang mga Roxas Night Market-goers nga magdala ug identification cards (IDs) aron nga magamit sa security ingon man sa contact tracing.
Adunay ipahimutang usab nga mga City Health officers ug Civil Security Unit (CSU) personnel sa entrada nga bahin aron masiguro nga matuman ang tukma nga mga lakang ilabi na ang health protocols.
Isip kabahin sa health protocols, kinahanglan nga magsuot ug facemask ang mga tawo ingon man face shields gawas lamang kung mokaon ug kinahanglan nga mag-obserba sa two-meter distance sa matag usa.
Adunay ipahimutang usab nga Handwashing stations ug footbaths sa lugar.
