DAVAO CITY – Gilaumang salmutan sa gatusan ka mga bisita ang mga dagkong katikaran sa Araw ng Dabaw diin dul-ang dose mil ka mga security personnel ang ipakatag sa tibuok bulan nga selebrasyon.
Sumala ni DCPO Spokesperson Police Major Catherine dela Rey, gipakatag na sa tibuok dakbayan ang mga security forces nga gilangkuban sa mga kapulisan, kasundaluhan, ug ubang auxillaries.
Samtang, gikanayon sab ni 10id Spokesperson Mark Anthony Tito nga nakadeploy na ang mga personahe gikan sa 10ID nga gilangkuban sa 6 ka platoon, ug mga reservist gikan sa 11th RCDG.
Walay nadawat nga hulga pangseguridad ang 10th Infantry Division gikan sa mga rebeldeng grupo hangtud kasamtangan.
Taliwala pa sa gipatumang seguridad, nagpahibalo gihapon ang opisyal nga dili magpakumpyansa sa posibleng hulga nga muabot atol sa kasaulogan, agig pag-obserba sa gipatuman nga culture of securtity sa dakbayan.
Nagpahinumdom ang mga nagkahiusang security forces sa dakbayan nga likyan ang pagdala sa mga kontrabando sama sa backpack, jacket, kalo, shades, dili transparent nga botelya, ug mga hinagiban.
VIA || Bombo LJF
