DAVAO CITY – Andam na ang tanang mga security forces nga ipakatag atol sa pagsaulog sa ika-86 nga Araw ng Davao karong tuiga. Gikanayon ni Task Force Davao commander Lieutnant Colonel Darren Comia, malukop ug hugot nga seguridad ang tanang mahitabong major and minor events atol sa face-to-face na selebrasyon pinaagi sa panguna ni PSSCC head Angel Sumagaysay.
Nagpadungag sab ang TF DAVAO ug dugang pang mga tropa ug mga kagamitan gikan sa 10th Infantry Division aron pakusgan pa ang augmentation sa mga security forces.
Gikabutyag pa sa hepe nga anaa pa lamang sa 80% ang pagpangandam sa kinatibuk-ang seguridad sa dakbayan. Apan samtang nagkaduol na ang bulan sa Marso, mas patas-an ug pahugtan pa sa mga security clusters ang ilang pagpangandam aron masegurong safe and secured ang mga kalihukan karong Araw ng Dabaw.
Dugang pa ni Comia nga nagpadayon ang ginapatumang enhanced security measures partukular na sa mga convergence areas sa dakbayan.
Sa kasamntangan, walay nadawat nga mga hulga pangseguridad ang Task Force Davao lakip na sa mga border controls ug ang kasikbit nga mga rehiyon.
via || Bombo LJF
