DAVAO CITY – Dili sumala pa babagan ang mga magdala ug bag kung mobisita kini sa mga sementeryo dungan sa gikatakdang paghinumdom sa adlaw sa All Saints’ ug All Souls’ days sa Nobyembre 1 ug 2.
Sumala pa kang Public Safety and Security Command Center (PSSCC) head Angel Sumagaysay gumikan kay gikonsiderang pampublikong lugar ang mga sementeryo, magpatuman sumala pa ug pipila ka mga adjustments ang security forces.
Apan ang mga magdala ug backpacks kinahanglan pa gihapon nga mopailalom sa hugtanon nga inspeksiyon ayha mosulod sa mga sementeryo.
Gitataw sab sa nahisgutan nga kung ipatuman ang pag-ban sa backpacks, mamahimong mohatud kini ug disturb ngadto sa mga bisita sanglit kadaghanan niini ang magdala ug mga gamit sa pagkaon, plato ug daghanan pa nga sagad isulod sa mga bag.
Hinuon ipatuman sumala pa sa security forces ang “No Jacket Policy,” diin kinahanglan nga hubuon una kini samtang ipailalom sa inspeksiyon ayha tugutan nga mosulod sa area.
Subli sab nga nagpahinumdom ang opisyal sa publiko kalabot sa mga butang nga idili sa sementeryo sama sa mga mahait nga butang, alak, baraha, mahjong o bisan unsa man nga mga gambling items ingon man loud speakers/stereo.
