DAVAO CITY- Gipasalig sa Police Regional Office (PRO) XI nga mas pahugtan pa ang ilang security campaign batok sa mga focus crimes.
Ang mga focus crimes ang gilangkuban sa kawat, rape, robbery, physical injury, murder, homicide, carnapping of motorcycle, ug carnapping sa mga motor vehicle.
Gikan Enero 2 hangtud Setyembre 17 ning tuiga, kinatibuk-ang 1,006 incidents sa eight focus crimes ang gikareport sa tibuok Davao Region.
Sa nahisgutang ihap, 983 cases ang napasaka na sa korte, 551 ang nangadakpan ug 23 ang nagpabilin pang wala masulbad.
Gikanayon ni Police Regional Director PBGen. Benjamin Silo, nakahimo ang kapulisan sa pag sulbad sa 97.71 % reported cases region wide dili lamang gumikan sa katakos sa mga police investigators kung dili gumikan na usab sa aktibong partisipasyon sa mga sibilyan.
Dugang pa ni Silo nga subay sa statistics, nagkataas ang ihap sa mga focus crimes atol sa ber months diin mao kini ang mga bulan gikan Setyembre hangtud Disyembre.
Ginapalig-on gayud sa PRO XI ang security measures niini ug mas gipalapdan ang police visibility aron masanta ang gikabalak-ang pagsaka sa mga kalihukan sa mga kriminal sa rehiyon.
