Muatubang si United States Secret Service Director Kimberly Cheatle sa House Oversight Committee human nga magpatawas ang US Congress og inquiry kalabot sa assasination attemt kay kanhing US President Donald Trump.
Sigon ni House Oversight Chairman James Comer nga ang pagdungog ang mamahimong extensive ug detalyado.
Dugang pa niini nga iyaha gayung gisiguro nga mutambong ug andam tubagon ang unsa mang pangutana bisan pa nga muabot na ang unom ka oras nga pagdungog nga magsugod karong adlawa.
Samtang sa pikas bahin, gibaliwala lamang ni kanhi US President Donald Trump ang nahimong desisyon sa kaatbang niini sa eleksyon nga si President Joe Biden nga dili na ipadayon ang subling pagpapili niini sa presidential elections.
Gipahayag niini nga maanindot na lamang nga mi-atras kini gumikan kay si Biden mao ang pinakadautang pangulo sa kasaysayan sa Estados Unidos.
Bisan paman nga wala pay segurong nominasyon ang Democrats, gigamyan lamang kini kang Vice President Kamala Harris kung ugaling kini ang ipuli nga magpapili sa pagkapangulo.
Matod pa ni Trump nga mas daling pildihon si Harris kung ikumpara kang Biden hinungdan nga dili kini maglisod.
Kung kahinumduman, nakahukom si Biden nga dili na lamang magpapili pagbalik sa pagkapangulo homan sa panawagan sa mga kaalyado niini sa Democrats nga mo-atras na lamang gumikan sa panglawas niini.
