-- ADVERTISEMENT --

Gipaklaro karon sa Department of National Defense (DND) nga wala na karon nagbaton og Maltese passport si DND Secretary Gilbert Teodoro, tungod gisurender ug gi-renounce na kini sa wala pa siya mipasa sa iyang Certificate of Candidacy (COC) alang sa 2022 senatorial elections niadtong 2021.

Sumala ni DND Spokesperson Arsenio Andolong, gipahibalo na daan sa Bureau of Immigration ug sa Commission on Elections (Comelec) ang maong impormasyon sa wala pa ang eleksyon sa 2022, ingon man usab sa Committee on Appointments sa wala pa siya gi-kumpirma isip kalihim sa National Defense.

Dugang pa ni Andolong, naklaro na ug nailhan ni Sec. Teodoro ang motibo sa pagpakaylap sa maong isyu, ug ang panahon sa pagpagawas sa artikulo nagpamatuod nga kini tinuyoan nga adunay tumong.

-- ADVERTISEMENT --

Kahinumduman nga gipaguwa sa usa ka nasudnon nga mantalaan niadtong nakalabay nga adlawa nga sumala pa si Sec. Teodoro nagbaton og duha ka mga passport nga kasamtangan karon nga nagdumala sa Department of National Defense.

Ilawom sa balaod sa Pilipinas ug constitutional doctrine, gidili ang “dual citizenship” sa mga public officials,ilabi na sa mga naghupot ug Cabinet-level positions.

Nasayran nga nakaangkon si Teodoro og passport sa nasud Malta nga giisyu kaniya kaniadtong December 22, 2016 nga valid hangtod 10 years.