DAVAO CITY – Nagpahimangno ang Securities and Exchange Commission (SEC) Davao sa publiko nga moreklamo lamang sa ilang buhatan kung nabiktima sa online lending operators.
Kahinumduman nga nagpagula karon ang SEC Davao ug 2 ka mga cease and desist order batok sa 30 ka mga lending operators sa dakbayan diin ubay-ubay ang mga nahimong biktima.
Sumala pa kang Atty. Katrina Jamilla Ponco-Estares, OIC sa SEC-Davao nga ang 30 ka mga lending operators online ang wala sumala pay primary ug secondary permits.
Kahinumduman nga modus sa mga nahisgutan nga magpa-utang bugti sa pagkuha sa tibuok impormasyon sa usa ka indibidwal diin kung dili gilayon nga makabayad sa gihiram nga kuwarta, magpahigayon ug text brigade ang lending operators aron nga ipahibalo ang pangalan sa mga wala mibayad.
Nasayran sab sa SEC nga wala naka-rehistro ang susama nga negosyo sa ilang buhatan.
Gitambagan na lamang sa opisyal ang publiko nga mas maayong bisitahon ang ilang website nga www.sec.gov.ph aron nga masubay kinsa kadtong mga lihitimo nga mge lending company.
