DAVAO CITY – Half-day ang tanan nga mga hukmanan sa dakbayan sa Davao, tibuok rehiyon unse, ug bisan sa tibuok nasod samtang City Prosecutors Office nagbilin ug skeletal force bisan ug half-day ang ilang trabaho.
Sa kamandu-an nga gipagula ni Justice Lucas Bersamin half-day sila karong adlawa subay sa advisory sa modified work schedule.
Ang Mierkules nga half-day nahilapil sa Supreme Court Calendar.
Ang half-day work karong Mierkules Santo gihimo aron nga makapangandam ug maka-uli ug sayo sa mga lalawigan ang mga empleyado sa kagamhanan ngadto sa ilang mga lalawigan.
Half-day sab ang mga opesina sa Hall of Justice, lakip na ang Regional State Prosecutor’s Office ug City Prosecutors Office.
Ang skeletal force mao ang nagpabilin hangtud alas 4:00 karong hapon ug mao ang mi-akomodar sa mga midangop sa nahisgutan nga buhatan alang sa mga inquest proceedings nga iduso sa maong buhatan.
