DAVAO CITY – Daghanang mga botante na ang nakapahimulos sa gipahigayon nga satellite registration sa Commission on elections (Comelec).
Gawas sa pagbisita sa mga nagkadaiyang Barangay, gisugdan na sab kagahapong adlawa sa ahensiya ang registration nga himuon sa mga Mall ning siyudad kini aron nga masiguro nga ma-cater tanan ang mga botante.
Daghanan sab ang naka-uyon nga sa Mall ipahigayon ang satellite registration gumikan kay komportable kini ug bugnaw ang palibot.
Una ng gibutyag ni Atty. Krisna Samanthea Caballero, tigpamaba sa Comelec nga ubay-ubay nga mga barangay ang mihangyo nga himuon na lamang kini sa Mall aron nga daling maadtoan sa mga botante.
Mas maayo sab sumala pa kung magpahigayon sab ug satellite registration sa mga mall gumikan kay dako ang lugar dili sama sa ilang buhatan nga limitado lamang ang ilang maakomodar.
Sunod nila nga bisitahon ang usa ka Mall sa Ecoland ning siyudad karong Setyembre 16.
