Sarah Geronimo, nagpagawas sa iyahang pamahayag kalabot sa korap nga panggobyerno

Gipadayag ni Asia’s Pop Star Royalty Sarah Geronimo ang iyang kalagot batok sa nagpadayon nga kurapsiyon sa nasud.

Sa usa ka madasigon nga mensahe, giingon ni Geronimo nga daw gipanglimbongan ug gipadagan-dagan lang ang katawhan pinaagi sa mga bakak.

Matod pa niya, ang kabatan-onan adunay dakong papel ug responsibilidad sa pag-usab sa dautang sistema.

Ang hugot nga tingog ni Geronimo nakahatag ug inspirasyon ug nakapamukaw sa daghang netizens nga nagpangayo na sa tinud-anay nga pagbag-o ug pagkab-ot sa mas limpyo ug matinud-anon nga gobyerno.

Gani, daghang mga supporters ang midayeg sa iyang kaisog nga pagsulti batok sa pamaagi nga dugay nang gisaway sa katawhan.