DAVAO CITY – Kamatikdan karun ang dyutay nga pagsaka sa presyo sa mga sangkap nga isagol sa mga binignit ug biko nga sagad andamon panahon sa semana santa.
Kahinumduman nga usa sa mga nag-unang sagol niini nga lubi ang anaa na sa 20-40 ang matag usa depende sa gidak-on gikan sa 15-ngadto na sa 25 ang matag usa.
Misaka sab ug dyutay ang presyo sa uban nga sangkap niini sama sa sago, saging, gabi ug daghanan pa.
Sa mga diretso nga mupalit ug gata sa lubi, anaa na ang presyo niini sa P90 matag kilo gikan sa P80. Samtang ang mga giluto na nga sago ang anaa na sa P60 matag kilo samtang ang mga hilaw nga sago ang anaa na karon sa P120 pesos ang matag kilo gikan sa P100.
Anaa ana sab karon sa P90 ang matag kilo sa landing diin misaka kini ug P10 pesos.
Misaka na sab sa 13 ang matag kilo sa saging samtang P30 na sab ang matag kilo sa kamote human nga misaka kini ug P5 pesos.
Samtang walay pagsaka sa presyo sa mga nag-unang sangkap sa biko sama sa malagkit ug kinugay.
Kahinumduman nga kabahin na sa mga Pilipino ang pag-andam ug biko ingon man binignit panahon sa semana santa hinungdan nga lauman ang pagdagsa sa katawhan sa mga palengke pipila ka adlaw ayha ang biyernes santo.
