DAVAO CITY – Wala tamdi sa Salugpungan Schools ang kamando-an kanila sa Department of Education (DEP ED) nga moundang lamang una sa pagklase.
Gipagawsan ug suspension order ang nahisgutan nga Salugpungan Community Learning Center.
Gi-suspende sa Dep Ed ang Salugpungan schools human katahapi nga nagatudlo ug idolohiya sa walhon nga grupo ug wala magsunod sa curriculum sa Dep Ed.
Bisan pa niini gipahayag sa Director sa Salugpungan Eugenia Nolasco, dili tinuod ang mga akusasyon batok ngadto kanila.
Dugang ni Nolasco nga ang pagpa-undang kanila sa klase usa lamang ka matang sa pagpanghasi nga gipaluyohan sa tropa sa kagamhanan mao nga modangop na sila sa hukmanan.
Sumala pa kang Nolasco nga nakurat na lamang sila sa dihang kalit sila nga gimando-an sa Dep Ed nga paserhan.
Gi-usikan ang Salugpungan Director kung mo-sira ang Salugpungan gumikan sa ilang gi-amoma nga mga kabataang lumad.
