DAVAO CITY – Pahimangno sa Philippine Coast Guard (PGC) Davao nga dili na niini tugotan nga makabiyahe ang mga chartered boat, lakip na ang mga passenger liner ug exclusive liner kung dili molukat ug business permit sa dakbayan sa Davao.
Kini ang gihatgan ug katin-awan ni Lt. Commodore George Maganto, PGC head sa Davao Station.
Sugdan kini pagpatuman karong Abril 12, adlaw nga Biernes.
Samtang sumala pa kang City Administrator Atty. Zulieka Lopez gawas sa business permit gikinahanglan sab nga mokuha ug permit ang mga operator gikan sa Davao City Tourism Office.
Palukaton na ug business permit sa lokal nga kagamhanan ang mga operators sa mga Bangka ug chartered boats nga nagahatud ug mga pasahero sa Island Garden City Samal gikan sa dakbayan isip pagtamod sa Ammendment sa Davao City Tourism Code nga magsugod karong adlaw nga Biernes.
Gipasalig sab ni Boat Captain LG Bualan nga ang ilang mga chartered boat ug uban pa nga mga sakyanang pandagat nga nagalatas sa kadagatan sa Davao ug Samal.
Sumala pa niya nga dugay na nila nga napangandaman ang susamang kahimtang.
