DAVAO CITY – Subling gihatagan og katin-awan sa ahensiya sa Philippine Volcanology and Seismology (PHIVOLCS) nga walay epekto ang nahitabong linog sa milabay nga tuig sa Mt. Apo.
Kini human ang kabalaka sa publiko nga posibleng mobusikad ang bulkan tungod sa sagunson nga linog diin nakadugang pa niini ang kahadlok sa katawhan sa nahitabong pag-alburuto sa bulkang taal diin daghanang mga residente ug panginabuhian ang naapektohan.
Apan gikanayon ni Engr. Daphne Agonia, Science Research analyst sa PHIVOLCS -Davao, nga gamay lamang ang tsansa nga mubusikad ang bulkan kini subay na sab sa ilang gipahigayon nga pagtuon niini.
Dili sab sumala pa mamahimong bahad sa pagbusikad sa bulkan ang nahitabong linog sanglit tectonic ang origin niini.
Dugang sa nahisgutan nga sa kasamtangan, nagpahimutang na sila og ekipo duol sa bulkan aron nga mosubay sa kahimtang niini ug mamonitor ang aktibidad niini.
Pahayag ni Engr. Daphne Agonia, Science research analyst sa Philvocs-Davao.
