Gibutyag ni Commission on Elections (Comelec) Chairman George Garcia nga magpadala kini ug sulat sa US Department of Justice (DOJ) aron makasuhan si SAGIP Party-list Rep.
Rodante Marcoleta gumikan sa pag-usab sa bank record sa Amerika.
Matod pa ni Garcia, ang gipakita ni Marcoleta nga kopya sa bank account sa Amerika nga adunay pangalang George Erwin Mojica Garcia homan kuno nagdeposito ug $100 ang volunteer sa magbabalaod aron iberipika ang bank account sa Comelec chief.
Matod pa ni Garcia, peke ang nahisgutang bank account nga gidoktoran lamang sa grupo nga anaa sa Miami Florida.
Matod pa sa opisyal, bisan kanus-a wala pa kini nakaadto sa Estados Unidos.
Ang makaabre lang kuno ug bank account sa Amerika mao ang citizen nila ug adunay social security number.
Matod pa niini nga ang usaka account nga gipanag-iyahan sa ubang tawo, gitamper ang bank record dakong kaso na kini sa Amerika ug bisan asang nasud kapa, pagagukdon ka sa US.
Gihagit usab niini si Marcoleta nga mag-waive sa iyahang immunity aron makasuhan kini niya sa pagpamakak.
Nagtuo si Garcia nga ang gusto lamang sa demolition job sa iyaha, mao nga magamit ang karaang makina sa Smartmatic sa 2025 elections.
Kung kahinumduman, gi-award sa Comelec sa Miru Systems sa South Korea ang P18 bilyong kontrata sa automated election system alang sa mosunod nga eleksyon.
