Padulong na nga mamahimong labing luwas nga mga rehiyon sa Pilipinas ang Mindanao nga kanhi usab gihamok sa daghang hagit sa seguridad.
Sumala sa labing uwahi nga “perception study” sa Mindanao Development Authority (MinDA), ang safety rating sa rehiyon misaka ngadto sa 89.69 porsiyento sa 2024, mas taas kini gikan sa 88 porsiyento niadtong 2023.
Kini nagmarka sa mahinungdanon nga kalamboan sa seguridad sa rehiyon, ilabi na sa Bangsamoro Autonomous Region in Muslim Mindanao (BARMM).
Sa quarterly Mindanao Safety Rating survey, nga gilusad sa MinDA, nitigom og datus gikan sa kapin 7,200 respondente nga nag-edad og 18 ug pataas, lakip niini ang mga biyahero ug travel vloggers gikan sa nagkadaiyang mga rehiyon sa tibuok Mindanao.
Gipasabot ni Dr. Adrian Tamayo, MinDA’s Policy Formulation Division officer-in-charge, nga ang pagtuon nagasubay sa susama nga methodology nga gigamit sa pag-establisar sa polling firms susama sa Pulse Asia ug Social Weather Stations (SWS), nga nagseguro sa kredibilidad ug konsistensiya.
Ang survey gihimo uban ang 3 percent margin of error, naggarantiya og kasaligan ug representative results.
Gibarogan niini nga kini nga transpormasyon mao ang testamento ngadto sa malampuson nga paningkamot, reporma sa panggobyerno, ug resilience sa mga komunidad sa BARMM, diin tanan nihatag og dalan alang sa mas lig-on ug mauswagon nga kaugmaon.
Gibutyag sa pagtuon nga ang Basilan ug Lanao del Sur mao ang labing luwas nga lugar sa BARMM, diin nakaani kini og 95 porsiyento nga safety rating.
Gisundan kini sa Cotabato City nga adunay 90 porsiyento, samtang ang Sulu ug Tawi-Tawi nakadawat og 87 porsiyento. Ang Maguindanao del Norte adunay 85 porsiyento nga grado, samtang, ang Maguindanao del Sur mitala usab og 80 porsiyento.
Sa Davao Region, mitigbabaw ang Davao Oriental sa labing luwas nga probinsiya uban ang 95 porsiyento ang grado, gisundan kini sa Davao del Sur nga 94 porsiyento.
Ang Davao de Oro usab ug Davao Occidental nakakuha og 90 porsiyento, samtang, ang Davao del Norte nakadawat og 89 porsiyento. Ang Zamboanga Peninsula, Zamboanga City ug Zamboanga Sibugay nagtabla sa 94 porsiyento.
Gisundan kini sa Zamboanga del Norte uban ang 93 porsiyento, Zamboanga del Sur sa 90 porsiyento, ug Isabela City uban ang 79 porsiyento.
Sa Northern Mindanao, ang Iligan mao’y nakakuha sa labing taas nga safety rating sa 98 porsiyento, gisundan kini sa Camiguin sa 97 porsiyento, Cagayan de Oro sa 95 porsiyento, Misamis Oriental sa 92 porsiyento, ug Lanao del Norte sa 92 porsiyento.
Ang Bukidnon miani usab og 90 porsiyento nga grado, samtang ang Misamis Occidental nakakuha og 88 porsiyento.
Sa Soccsksargen, nanguna ang General Santos City nga rehiyon uban ang 94 porsiyento nga safety rating, gisundan kini sa South Cotabato sa 92 porsiyento.
Sarangani nakakuha usab og 90 porsiyento, ang North Cotabato adunay 87 porsiyento, ug Sultan Kudarat nihakot usab og 83 porsiyento.
Sa Caraga, ang Agusan del Sur ang nag-una uban ang 91 porsiyento nga safety rating, gisundan kini sa Surigao del Norte sa 88 porsiyento, Agusan del Norte sa 87 porsiyento, Butuan sa 79 porsiyento, ug Surigao del Sur uban ang 83 porsiyento.
Taliwala sa padayon nga travel advisories gikan sa mga langyaw mga panggamhanan bahin sa Mindanao, nagpadayag og paglaum si Tamayo nga mga resulta sa bag-ohay lamang nga pagtuon makadasig sa langyaw nga kanasuran nga ikonsidera kini sa ilang mga pasidaan.
Hinuon, ang Japan naghimo na og positibo nga lakang pinaagi sa pag-ila sa kalamboan sa rehiyon.
Sugod kaniadtong 2023, ang pagtoun gidesinyo aron maseguro ang balanse ug sakto nga representasyon.
Gipahimug-atan ni Tamayo nga ang “sampling methodology” naglangkob sa pagsurbey sa 1,200 respondente gikan sa nagkadaiyang rehiyon sa Mindanao diin ang maong paagi nagseguro nga ang mga resulta makakuha og mas halapad nga han-ay sa panlantaw gikan sa nagkadaiyang lugar, nagtanyag kini og “well-rounded view” sa pag-aninaw sa kinaluwasan sa rehiyon.
