Ruffa Gutierrez giangkon na ang relasyon nila ni Herbert Bautista

Giangkon sa actress nga si Ruffa Gutierrez nga aduna na sila’y relasyon ni Herbert Bautista.

Kini ang gikumpirma sa actress human nga gibuking na sab sa iyahang duha ka mga anak ang ilahang relasyon.

Nasayran nga una ng nagpaguwa ug pamahayag ang duha ka mga babaeng anak niini nga sila Lorin ug Venice.

Nagsugod ang ilahang relasyon human nga nagkauban sila sa usa ka pelikulang “The House Arrest Of Us” niadtong 2020.

Nisamot pa ang ilahang pagbati sa matag-usa human nga ang actress gi-date ni Bautista uban ang duha niini ka mga anak.