DAVAO CITY – Target sumala pa sa otoridad nga ideklara ang Roxas Night Market isip maximum security zone aron nga mapabilin ang mas istrikto nga seguridad sa mga Dabawenyos susama sa San Pedro Square.
Sumala pa kang Task Force Davao (TFD) commander Colonel Consolito Yecla, nakadawat sila ug mensahe gikan kang konsehal Mabel Acosta aron i-andam ang pagdeklara sa Night Market nga laing maximum security zone.
Maayo sumala pa ang nahisgutan nga lakang ilabi na nga ang Roxas night market ang nahimong target sa pagpamomba sa milabay nga 2016.
Kini sumala pa ang hinungdan nga ilang gikonsidera ang community-based approach alang sa pagpatuman sa night market pinaagi sa maong deklarasyon.
Hinuon gipasalig ni Yecla nga samtang wala pa gipatuman ang maong lakang, hugtanon pa gihapon nga pagmonitor ang ilang ipatuman sa lugar diin pipila ka mga personahe ang ilang gipakatag.
