Rocket debris sa China, nahulog sa duol nga bahin sa kadagatan sa Palawan – PhilSA

Gikumpirma sa Philippine Space Agency (PhilSA) nga adunay nahulog nga debris o mga tipaka sa Long March 12 rocket sa China sa dagat nga sakop sa Pilipinas duol sa Palawan kagabii, Agosto 4.

Ang debris nahulog sulod sa 21 nautical miles gikan sa Puerto Princesa ug 18 nautical miles gikan sa Tubbataha Reefs Natural Park, mga dapit nga sakop sa exclusive economic zone (EEZ) sa nasud.

Kabahin niini, giusab sa ahensya ang ilahang pahimangno sa publiko kabahin sa katalagman nga dala sa mga debris sa rocket.

Kung adunay makita, gipasidan-an ang publiko nga dili gayud hikapon o kolektahon ang bisan unsang debris nga makita tungo posible kining adunay makadaot nga kemikal sama sa rocket fuel.

Hinuon, ipahibalo gilayon kini sa mga otoridad.