Gipahigayon na karon sa Regional Internal Affairs Service kon RIAS 11 will ang pagpahigayon ug Moto propio investigation kabahin sa nahitabo nga komosyon sa usa ka Boarding House sa Brgy.Maguspo East Tagum City nga mikalas sa upat ka mga kinabuhi.
Sumala sa tigpamaba sa PRO-11 nga si P/Maj.Catheren Dela Rey nga otomatiko sumala pa nga imbistigahan niini ang usa ka panghitabo nga adunay nalambigit nga personahe sa kapulisan atol sa pagresponde sa maong kagubot.
Una ng mikatag sa social media ang usa ka video nga naaktuhan niini ang panghitabo diin napusilan sumala pa sa mirespondeng pulis ang usa ka lalaki nga si Arjay Cahilog nga igo lamang nga mitabang niadtong tungura sa nasampit nga kagubot.
Gumikan niini, nanawagan ang kabanay ni Arjay ug hustisya sa kamatayon niini.
Una na usab nga gikanayon sa kapulisan nga napatay sumala pa si Arjay tungod sa pag-ataki niini sa usa ka pulis nga miresponde niadtong tungura.
Apan sa kabahin sa mga boarders nga nakakuha ug video niadtong tungura mistaken identity ag nahitabo sanglit ngit-ngit niadtong panahuna sa ibabaw nga bahin sa boarding house nga didto nakapwesto si Arjay nga nagbitbit ug sundang aron nga reskyuhon unta ang mga biktimang babae nga gidunggab patay sa suspek nga security guard.
Kahinumduman nga unang nakabsan sa kinabuhi ang duha ka mga babaeng boarders usa ka Boardinghouse sa Talisay Zara, Brgy.Magugpo East, dakbayan sa Tagum.
Subay sa report sa kapulisan, ang mga biktima ang naila nga sila Jessa Mae Tabag, 19-anyos, usa ka service crew sa GMall Tagum, Joan Rondan, 28, usa ka cashier sa GMall Tagum ug usa ka RJ Cahilog. Samtang ang suspek nga gila nga si Nelson Narbasa,33-anyos nga residente sa Montevista, Davao de Oro ug nadestino sa Criss Inn.
Sa inisyal nga imbistigasyon sa kapulisan, pasado ala-una ang takna sa kaadlawon, nahitabo ang krimen nga sumala pa nag-romentado ang suspek ug gipangsulod ang kwarto sa mga biktima ug gipangdunggab nga maoy hinungdan sa ilahang kamatayon. Samtang napatay usab sa mga otoridad ang suspek human nga mipakita kini ug pagsukol matud pa nga maoy hinungdan usab sa kamatayon niini.
Samtang ang usa ka lalaki nga silingan sa mga biktima nga si RJ ang napusilan sumala pa sa mirespondeng pulis human nga naalaan matud nga kini ang suspek tungod sa pagdala niini ug sundang nga misaka sa ibabaw nga bahin sa Boarding aron nga motabang.
Sa mga impormasyon gikan sa mga boarders, misulay sumala pa ug pahimolos ang suspek sa usa sa mga biktimang babae nga tapad lamang niini ug kwarto, apan mipakita kini ug pagsukol ug didito na nahitabo ang krimen.
Sa crime scene narekober ang mga basyo sa bala sa 9mm nga pistola, sundang, ug kustsilyo nga gigamit sa suspek.
Sa karon nagpadayon pa ang gihimong imbistigasyon sa kapulisan.
